“Mançester Yunayted”in transfer planı məlum olub

“Mançester Yunayted” təkcə müdafiənin mərkəzini gücləndirmək niyyətində deyil. Daha əvvəl məlumat var idi ki, yeni mərkəz müdafiəçilərinin transferi bu yay “qırmızı şeytanlar” üçün prioritet hədəfdir.

Komanda.az xarici KİV-ə istinadən xəbər verir ki, klub həm də hücumçu və mərkəz yarımmüdafiəçi mövqeləri üçün transferlər planlaşdırır. Bundan əlavə, yeni cinah müdafiəçilərinin tapılması istiqamətində iş gedir. Lakin klub hələlik hücum cinahlarının gücləndirilməsinə təcili ehtiyac görmür.

“Mançester Yunayted” Premyer Liqada mövsümü 8-ci yerdə başa vursa da, İngiltərə kubokunu qazana bilib. Amma Erik ten Haqın yeni mövsümdə komandanın baş məşqçisi olaraq qalıb-qalmayacağı hələlik məlum deyil.