“Mançester Siti”nin qapıçısına yaxşı təklif gəlsə…

“Mançester Siti”nin qapıçısı Ederson yay transfer pəncərəsində komandasını tərk edə bilər.

Komanda.az xarici KİV-ə istinadən xəbər verir ki, braziliyalı qolkiperə yaxşı təklif gəlsə, ayrılmaq barədə düşünəcək. Futbolçu ilə Səudiyyə Ərəbistanından olan klublar maraqlanır. “Sambaçı” yaxın vaxtlarda başqa qitəyə keçəcəyini istisna etmir. 

30 yaşlı Ederson 2017-ci ildən “Mançester Siti”də çıxış edir. Braziliyalı qapıçı klubu ilə 6 Premyer Liqa və 1 Çempionlar Liqası kuboku qazanıb.