Arda Gülər: “Real”a tam uyğunlaşdım”

“Real”ın yarımmüdafiəçisi Arda Gülər La Liqanın 37-ci turunda “Vilyarreal”la səfər oyunundan (4:4) sonra jurnalistlərə açıqlama verib.

Komanda.az xarici KİV-ə istinadən xəbər verir ki, o, kluba tam uyğunlaşdığını söyləyib:

“İlk hissəni əla keçirdik və 4:1 öndə idik. Amma rəqib təslim olmadı və özünü yaxşı tərəfdən göstərdi.

Kluba tam uyğunlaşdım. Məni dəstəkləyən insanları sevindirmək üçün qollar vurmağa davam etmək istəyirəm”.

19 yaşlı futbolçu İspaniya çempionatının bu mövsümündə 10 oyun keçirib, 6 qol vurub.