Mbappe “Real”ın keçmiş futbolçusunun evini almaq istəyir

PSJ-nin hücumçusu Kilian Mbappe Madriddə daşınmaz əmlak axtarır.

Komanda.az xarici KİV-ə istinadən xəbər verir ki, yayda “Real”a keçəcək 25 yaşlı fransalı futbolçu Madriddə ev axtarmağa başlayıb. Mbappe “Real”ın sabiq müdafiəçisi Serxio Ramosun əvvəllər yaşadığı evi seçmək istəyir.

Tərəflər arasında müqavilənin təfərrüatları açıqlanmayıb. Daha əvvəl Mbappenin cari mövsümün sonunda PSJ-dən ayrılacağı və “Real”la müqavilə imzalayacağı bildirilirdi.

Fransalı forvard bu mövsüm 45 oyunda 43 qol vurub və 10 məhsuldar ötürmə verib. Onun Paris klubu ilə müqaviləsi cari mövsümün sonuna kimidir.