Xabi Alonso “Real”ın futbolçusunu istəyir

“Alaves”də icarə əsasında çıxış edən “Real”ın müdafiəçisi Rafa Marin Almaniya çempionatına keçə bilər.

Komanda.az xarici KİV-ə istinadən xəbər verir ki, ispaniyalı futbolçu ilə “Bayer” (Leverkuzen) maraqlanır. Almaniya klubunun baş məşqçisi Xabi Alonso şəxsən Marini transfer etməkdə israrlıdır.

21 yaşlı müdafiəçinin “Alaves”lə icarə müqaviləsi 2024-cü ilin iyunun sonunda başa çatır. O, İspaniya çempionatının bu mövsümündə 29 oyun keçirib və 5 sarı vərəqə alıb.