“Barselona” gürcü futbolçu üçün danışıqlar aparır

“Napoli”nin yarımmüdafiəçisi Xviça Kvaratsxeliya “Barselona”nın transfer siyahısında qalmaqda davam edir.

Komanda.az “Diario AS”-a istinadən xəbər verir ki, kataloniyalılar gürcü futbolçunun mümkün transferi ilə bağlı neapollularla danışıqlar aparırlar.

“Barselona” rəhbərliyi bütün mümkün kuboklar uğrunda mübarizəni davam etdirmək üçün komandanı ciddi şəkildə gücləndirmək niyyətindədir. Kvaratsxeliya klubun prioritet məqsədlərindən biridir.

Eyni zamanda, “Napoli” aparıcı futbolçularından birini satmaq istəmir. Klubun prezidenti Aurelio de Laurentis Kvaratsxeliyanı saxlamaq və onun ətrafında yeni komanda qurmaq niyyətindədir.