Mbappe Messinin ötürməsi haqda: “Yaxşı bir xatirədir”

PSJ-nin hücumçusu Kilian Mbappe 2022/23 mövsümündə “Marsel”lə matçda Lionel Messinin ötürməsindən sonra vurulan qolla bağlı xatirəsini bölüşüb.

Komanda.az “Telefoot”-a istinadən xəbər verir ki, fransalı futbolçu həmin oyunda baş verənləri yaxşı xatirə adlandırıb:

“Bu, əla anlaşma idi: bir ötürmə və bir zərbə. Ötürməni tarixin bəlkə də, ən yaxşı oyunçusu Messi etdi. 3:0 hesabı ilə qalib gəldik. Açıq-aydın yaxşı bir xatirədir”.

Mbappe bu mövsüm PSJ-nin heyətində bütün turnirlərdə 38 oyun keçirib, 38 qol vurub və 5 məhsuldar ötürmə edib. Messi 2023-cü ilin yayında Paris klubundan ayrılaraq “İnter Mayami”yə keçib.