Kazemiro karyerasını Səudiyyə Ərəbistanında davam etdirə bilər

“Mançester Yunayted”in braziliyalı yarımmüdafiəçisi Kazemiro yayda Səudiyyə Ərəbistanı klublarından birinə keçə bilər.

Komanda.az xarici KİV-ə istinadən xəbər verir ki, yarımmüdafiəçinin xidmətində hansı klubun maraqlı olduğu barədə məlumat verilmir.

Kazemiro Braziliyanın “San Paulo” klubunun yetirməsidir. O, 2013-2022 illər aralığında “Real”da çıxış edib. Daha sonra “Mançester Yunayted”ə keçən futbolçu bu mövsüm bütün turnirlərdə 21 oyun keçirib, 5 qol vurub və 2 məhsuldar ötürmə edib.

Kazemironun MY ilə müqaviləsi 2026-cı ilin iyun ayının sonuna qədərdir.