Jiru “Milan”ı MLS klubuna dəyişə bilər

“Milan”ın hücumçusu Olivye Jirunun mövsümün sonunda İtaliya klubunu tərk etmək ehtimalı yüksəkdir.

Komanda.az “Ekip” nəşrinə istinadən xəbər verir ki, fransalı futbolçu Los Ancelesə köçmək istəyir və MLS klubu ilə müqavilə bağlamağa yaxındır. Transfer baş tutarsa, Jiru Fransa millisindəki keçmiş komanda yoldaşı, qapıçı Uqo Llorislə eyni klubda – “Los Anceles”də çıxış edəcək.

37 yaşlı futbolçu 2021-ci ilin yayından “Milan”da çıxış edir. Onun klubla müqaviləsi cari mövsümün sonuna qədərdir. Jiru bu mövsüm bütün turnirlərdə 36 oyunda 14 qol vurub və 9 məhsuldar ötürmə edib.