“Bayern” tələsmir

“Bayern”in idman direktoru Karl-Haynts Rummenigge yeni baş məşqçi axtarışı ilə bağlı fikirlərini bölüşüb.

Komanda.az “Gazezetta dello Sport” nəşrinə istinadən xəbər verir ki, Almaniya millisinin keçmiş üzvü hələ qərar vermədiklərini bildirib:

“Hələ qərar verməmişik, tələsmirik. Çempionlar Liqasının növbəti mərhələsinə yüksəlməliyik, bu, vacibdir. Onda “Bayern” mütləq Bundesliqa çempionluğunu da qazanacaq”.

Daha əvvəl baş məşqçi Tomas Tuxelin 2024-cü ilin yayında Münhen klubundan ayrılacağı açıqlanıb. 50 yaşlı mütəxəssis 2023-cü ilin martından “Bayern”ə rəhbərlik edir.