Avropa çempionatı: Bu gün Azərbaycan millisinin rəqibləri bilinəcək

Bu gün qadın futbolçulardan ibarət milli komandalar arasında Avropa çempionatının seçmə mərhələsinin püşkü atılacaq.

Komanda.az xəbər verir ki, İsveçrənin Nyon şəhərində keçiriləcək püşkatma mərasimi saat 16:00-da başlayacaq.

Yeni formatda təşkil ediləcək turnir 3 liqadan ibarət olacaq. A və B liqalarında 16, C liqasında isə 19 komanda yer alacaq. 

Azərbaycan millisi B liqasında iştirak edəcək. Siyasət Əsgərovun komandası püşkatma zamanı sonuncu səbətdə olacaq. 

B liqasının səbətləri:

1-ci səbət: Portuqaliya, İsveçrə, Şotlandiya, Uels

2-ci səbət: Bosniya və Herseqovina, Serbiya, Xorvatiya, Macarıstan

3-cü səbət: Slovakiya, Şimali İrlandiya, Ukrayna, Türkiyə

4-cü səbət: Malta, İsrail, Kosovo, Azərbaycan