“İrəliləmək üçün əla fürsəti əldən verdik” – “Barselona”nın futbolçusu

“Barselona”nın müdafiəçisi Joao Kanselo İspaniya çempionatının 27-ci turunun “Atletik”lə oyunundan (0:0) danışıb.

Komanda.az Kataloniya klubunun rəsmi saytına istinadən xəbər verir ki, o, növbəti oyunda yaxşı çıxış edəcəklərinə umid etdiyini deyib:

“Biz turnir cədvəlində irəliləmək üçün əla fürsəti əldən verdik. Əlbəttə, razıyam ki, bu matçda ümumi olaraq çox yaxşı oynamadıq. Məşqdə etdiyimizi meydanda göstərə bilmədik. Ancaq bizi tezliklə başqa bir matç gözləyir və ümid edəcəyik ki, “Malyorka”ya qarşı daha yaxşı oynayacağıq”.

Kanselo 2023-cü ilin sentyabrında icarə əsasında “Mançester Siti”dən “Barselona”ya keçib. Bu mövsüm portuqaliyalı müdafiəçi bütün turnirlərdə 30 oyun keçirib, 3 qol vurub və 4 məhsuldar ötürmə edib.