Lautaro Martinesdən yeni rekord

“İnter”in hücumçusu Lautaro Martines yeni rekorda imza atıb.

Komanda.az xəbər verir ki, argentinalı forvard bunu A Seriyasının 25-ci turunda “Salernitana” ilə qarşılaşmada fərqlənməklə bacarıb.

Bu qol onun İtaliya çempionatında cari mövsümdə vurduğu 20-ci qol olub. Nəticədə Lautaro 21-ci əsrdə ardıcıl üç mövsümdə 20+ qol vuran ilk “İnter” oyunçusu olub.

2021/2022 və 2022/2023 mövsümlərində argentinalı futbolçu 21 qol vurub.