“Araz-Naxçıvan”dan daha 2 transfer

Hazırlığa dünəndən başlayan futzal üzrə Azərbaycan çempionu “Araz-Naxçıvan” növbəti transferlərini reallaşdırıb.

Komanda.az xəbər verir ki, son çempion Bosniya və Herseqovinadan Miloş Todoriçlə anlaşıb.

Serbiyanın “Loznitsa Qrad” klubundan “qırmızı-ağlar”a təşrif buyuran 20 yaşlı futzalçı ilə anlaşma mövsümün sonuna qədərdir. “Araz-Naxçıvan”ın digər transferi yerli futzalçıdır. Nijni-Novqorod şəhərinin təmsilçisi “Torpedo-2”nin yetirməsi olan Həsənəli Rəhimov da cari çempionatın sonuna qədər “qırmızı-ağlar”ın formasını geyinəcək.

“Araz-Naxçıvan” daha öncə braziliyalı hücumçu Andre Korrea dos Santos Juniorla anlaşmışdı.