“Ramil sabah aramızda olacaq” 

Türkiyənin “Kocaelispor” klubunun prezidenti Engin Koyun Azərbaycan millisinin futbolçusu Ramil Şeydayev haqda açıqlama verib.

Komanda.az “Radyospor”-a istinadən xəbər verir ki, 1-ci liqada çıxış edən klubun rəhbəri Azərbaycan millisinin futbolçusunun Tailand təmsilçisi “Buriram Yunayted”lə bu gün vidalaşacağını açıqlayıb:

“Ramil Şeydayevlə anlaşdıq. O, “Buriram Yunayted”lə müqaviləsinə xitam verəcək. Sabah aramızda olacaq. Şeydayevlə müqavilənin müddəti 1,5 illik olacaq”.

“Kocaelispor” 17 turdan sonra 33 xalla turnir cədvəlinin ikinci pilləsində qərarlaşıb.