“Barselona”da itki

“Barselona”nın müdafiəçisi Joao Kanselo zədələnib.

Komanda.az xəbər verir ki, o, La Liqanın 19-cu turunun “Las Palmas”la oyununda (2:1) sıradan çıxıb.

Dizindən zədə alan 29 yaşlı futbolçunun təxminən 3 həftə yaşıl meydanlardan kənarda qalacağı ehtimal olunur.

Kanselo 2023-cü ilin sentyabrından “Barselona”da oynayır. Bu mövsüm 22 matç keçirib, 3 qol vurub və 2 qolun ötürməsini verib.