“Bu, vacib qələbədir” – Alleqri

“Yuventus”un baş məşqçisi Massimiliano Alleqri İtaliya çempionatının 18-ci turunun “Roma” ilə oyununu (1:0) şərh edib.

Komanda.az DAZN-a istinadən xəbər verir ki, o, bu qələbənin komandanın liderliyini artırması üçün önəmli olduğunu bildirib:

“Yaxşı matç oldu. “Roma”ya qarşı oynamaq həmişə çətin olur, xüsusən də, onları Joze Mourinyo çalışdıranda. Paulo Dibalanın cərimə meydançamıza bir neçə ötürməsindən sonra qapımıza təhdidlər oldu, lakin biz etibarlı oynamağa davam etdik. Fasilədən sonra qol vurduq və bunu yenidən edə bilərdik.

Bu, vacib qələbədir, xüsusən də, komandalar üzərində liderliyimizi artırmağa davam etdiyimiz üçün. Hazırda yaxşı fiziki formadayıq və bu gün təsirli kombinasiyalar var idi. Çox tez-tez topu itirdik, bunun üzərində işləmək lazımdır. Xüsusən də, diaqonal ötürmələrdə və müdafiədən çıxmaqda.

“İnter” bizdən iki xal öndədir və 45 xalla əla mövsüm keçirir. Fərqli yolumuz olduğunu anlayaraq onlara yaxın durmağa çalışırıq. Biz mühüm nəticə əldə etdik, çünki “Roma” və digərləri ilə müqayisədə fərqi artırdıq”.

Bu görüşdən sonra “Yuventus” 43 xalla turnir cədvəlinin ikinci, “Roma” 28 xalla yeddinci pilləsində qərarlaşıb.