MS 2023-cü ildə topladığı xallara görə rekord qırıb

“Mançester Siti” 2023-cü ildə topladığı xallara görə İngiltərə çempionatının ən yaxşısıdır.

Komanda.az xarici KİV-ə istinadən xəbər verir ki, Pep Qvardiolanın yetirmələri təqvim ilində 87 xal toplayıb. İkinci yeri 82 xal toplayan “Aston Villa” tutur. İlk üçlüyü Londonun “Arsenal” klubu qapayır (81 xal).

2023-cü ildə “Mançester Siti” beş kubok (İngiltərə çempionatı, İngiltərə kuboku, Çempionlar Liqası, UEFA superkuboku və Klublararası dünya kuboku) qazanıb və bir təqvim ilində bu qədər titul qazanan ilk İngiltərə klubu olub.