“Nkunku bizim üçün əsas oyunçudur” – Poçettino

“Çelsi”nin baş məşqçisi Maurisio Poçettino Premyer Liqanın 18-ci turunda “Vulverhempton”la oyunda (1:2) hücumçu Kristofer Nkunkunun çıxışı ilə bağlı fikirlərini bölüşüb.

Komanda.az xarici KİV-ə istinadən xəbər verir ki, o, fransalı futbolçunun komanda üçün vacib oyunçu olduğunu bildirib:

“Onun qol vurmağına görə çox şadam. Bu, onun bizim üçün nə qədər vacib ola biləcəyini göstərir. Biz ona çox təzyiq göstərə bilmərik. Amma Nkunku bizim üçün əsas oyunçudur”.

“Vulverhempton”la matçda Nkunku “Çelsi”nin heyətində debüt qolunu vurub. O, dizindən aldığı zədə səbəbindən mövsümün əvvəlindən meydana çıxmayıb.