ÇL: “Bu, istədiyimiz nəticə deyildi” – MY-nin futbolçusu

“Mançester Yunayted”in müdafiəçisi Dioqo Dalot Çempionlar Liqasının qrup mərhələsinin 6-cı turunun “Bayern”lə oyunundan (0:1) danışıb.

Komanda.az UEFA-nın rəsmi saytına istinadən xəbər verir ki, portuqaliyalı futbolçu nəticəyə görə məyus olduğunu bildirib:

“Bu, istədiyimiz nəticə deyildi. Fərqli bir şeyə ümid edirdik. Düşünürəm ki, yaxşı çıxış etdik və yaxşı komandaya qarşı əlimizdən gələni etdik, amma sonda bu kifayət etmədi. Özümüzdən daha çox şey gözlədiyimizi başa düşürük. Biz yaxşılaşmalıyıq. Qrupdan çıxmaq istəyirdik, amma sonda kifayət qədər uğur qazana bilmədik. Bundan ibrət götürüb növbəti dəfə daha çox nailiyyətlər əldə etməliyik”.

“Qırmızı şeytanlar” 4 xalla A qrupunu sonuncu pillədə başa vurub.