“Atletiko” da istəyir – “Napoli”nin hədəfindəki futbolçunu

“Bavariya”da icarə əsasında keçirdiyi iki mövsümün ardından müqavilə ilə məxsus olduğu “Real”a qayıdan Xames Rodriqes daha bir klubun transfer hədəfindədir.

Komanda.az İspaniya mətbuatına istinadən xəbər veir ki, “Napoli”nin heyətinə qatmaq istədiyi kolumbiyalı futbolçu, “Atletiko”nun da maraq dairəsindədir. Joao Feliksin transferini yekunlaşdırmaq üzrə olan Madrid klubunun tezliklə Xames üçün hərəkətə keçəcəyi deyilir.

Son iki mövsümü icarə əsasında “Bavariya”da keçirən Xames, geridə qalan mövsümdə iştirak etdiyi 28 oyunda 7 qol, 6 məhsuldar ötürmə ilə yadda qalıb.