Afrika Millətlər Kubokunda səssiz gecə

Afrika Millətlər Kubokunda 2-ci tura yekun vurulub.

Komanda.az xəbər verir ki, ilk oyun günündə 3 qarşılaşma keçirilib. A qrupunun lideri Misir millisi Konqonu 2 qolla məğlub edib və növbəti mərhələyə yüksəlib. Qrupun digər matçında isə Uqanda Zimbabve ilə qollu bərabərə qalıb – 1:1.

B qrupunda Nigeriya yığması Qvineyanı məğlub edərək, 1/8 final mərhələsinə vəsiqə qazanıb. Qrupun digər oyununda Madaqaskar Burundini minimal hesabla üstələyib.

C qrupunda Seneqalla üz-üzə gələn Əlcəzair minimal hesabla qalib gələrək növbəti mərhələyə vəsiqəni təmin edib. Keniya isə Tanzaniya üzərində qələbəyə sevinib.

D qrupunda Mərakeş yığması Fil Dişi Sahilinə, CAR isə Namibiyaya minimal hesabla qalib gəlib.

E qrupu çərçivəsində baş tutan Tunis – Mali görüşündə qalib müəyyənləşməyib.

Son oyun günündə E və F qrupu çərçivəsində 3 oyun baş tutub. Amma həmin oyunların heç birindən qol səsi çıxmayıb.

Afrika Millətlər Kuboku, 2-ci tur

A qrupu

26 iyun

Uqanda – Zimbabve 1:1
Qol: Okvi, 12 – Biliat, 40.

Misir – Konqo 2:0
Qol: Əl-Məhəmmədi, 25. Salah, 43.

B qrupu

26 iyun

Nigeriya – Qvineya 1:0
Qol: Omeruo, 73.

27 iyun

Madaqaskar – Burundi 1:0
Qol: İlaymaharitra, 76.

C qrupu

27 iyun

Seneqal – Əlcəzair 0:1
Qol: Belaili, 49.

Keniya – Tanzaniya 3:2
Qol: Olunqa, 39; 80. Omolo, 62 – Msuva, 6. Samata, 40.

D qrupu

28 iyun

Mərakeş – Fil Dişi Sahili 1:0
Qol: En-Nesiri, 23.

CAR – Namibiya 1:0
Qol: Zunqu, 68.

E qrupu

28 iyun

Tunis – Mali 1:1
Qol: Xazri, 70 – Samasseku, 60.

29 iyun

Mavritaniya – Anqola 0:0

F qrupu

29 iyun

Kamerun – Qana 0:0

Benin – Qvineya-Bisau 0:0