“Biz çox razıyıq” – Ançelotti

“Real”ın baş məşqçisi Karlo Ançelotti İspaniya çempionatının 14-cü turunun matçında “Kadis” üzərində qələbədən (3:0) danışıb.

Komanda.az klubun rəsmi saytına istinadən xəbər verir ki, o, komandanın çox yaxşı performans göstərdiyini bildirib:

“Rodriqo qayıtdı və bu gün fərq yaratdı. Yaxşı oynadıq. Biz çox razıyıq, çünki oyundan sonra nəticə göz qabağındadır. Oyunu düzgün qurmalı idik və bunu başdan sona qədər etdik. Çətinliklər bəzən fürsətlər və əlavə motivasiya verir. Futbolçular bunu mükəmməl başa düşürdülər. Bugünkü qələbə mənə növbəti matçlar qarşısında böyük inam verir”.

14 turdan sonra “Real” 35 xalla çempionata başçılıq edir.