Almaniyalı futbolçular baş məşqçidən narazıdırlar

Almaniya millisinin futbolçuları komandanın çalışdırıcısı Yulian Naqelsmanın işini bəyənmirlər.

Komanda.az “Bild” nəşrinə istinadən xəbər verir ki, futbolçular məşqçinin işinin bir neçə aspektini bəyənmirlər. Onlar hesab edirlər ki, Naqelsmann oyunu çox çətinləşdirir, bu, milli komandalardan daha çox klub futbolu üçün uyğundur.

Həmçinin, futbolçular meydandakı mövqeləri ilə bağlı Nagelsmannın fikirlərini bəyənmirlər. Xüsusilə, Almaniya millisinin Türkiyə (2:3) və Avstriya (2:0) ilə keçirdiyi son yoldaşlıq görüşlərində hücumameyilli yarımmüdafiəçi Kay Havertsin sol cinah müdafiəçisi kimi çıxış etməsi ilə bağlı anlaşılmazlıq olub.

Bundan başqa, 36 yaşlı çalışdırıcının oyundakı səhvlərini əks etdirən videogörüntüləri göstərmək üçün tez-tez məşq prosesini yarımçıq qoyması oyunçularının xoşuna gəlmir.