“Barselona” 16 yaşlı futbolçuya 1 milyard avro qiymət qoyacaq

“Barselona”nın vingeri Lamin Yamalın klubla yeni müqaviləsinə bir milyard avroluq sərbəst buraxılma maddəsi daxil ediləcək.

Komanda.az xarici KİV-ə istinadən xəbər verir ki, yeni razılaşmanın rəsmi elanı oktyabrın 2-də gözlənilir. 16 yaşlı futbolçu ilə imzalanacaq müqavilənin vaxtı 2026-cı ilin iyun ayına kimi nəzərdə tutulub.

Yamal “Barselona”nın yetirməsidir. Onun klubla hazırkı müqaviləsi 2024-cü ilin yayında başa çatır.

İspaniyalı futbolçu 2023/24 mövsümündə 9 matçda iştirak edib, 2 məhsuldar ötürmə edib.