Balayevli “Tobol”u finala buraxmadılar – VİDEO

Qazaxıstan Kubokunda yarımfinal mərhələsinin cavab oyunları keçirilir.

Komanda.az xəbər verir ki, Azərbaycan millisinin futbolçusu Emil Balayevin formasını geyindiyi “Tobol” səfərdə “Kaysar”ın qonağı olub.

Futbolçumuzun komandası bu oyunda 1:3 hesabı ilə məğlub olub. Balayev də bu oyunun iştirakçısı olub. O, start heyətdə meydana çıxıb və sonadək mübarizə aparıb.

İki görüşün nəticəsinə görə, “Kaysar” finala yüksəlib. “Tobol” evdə keçirilmiş ilk oyunda “Kaysar”ı 1:0 hesabı ilə məğlub etmişdi.