“Ten Haq oyunçularını alçaltmağı sevir”

Britaniyalı jurnalist Pirs Morqan “Mançester Yunayted”in yarımmüdafiəçisi Ceydon Sanço ilə komandanın baş məşqçisi Erik ten Haq arasında olan mübahisəyə münasibət bildirib.

Komanda.az xəbər verir ki, teleaparıcı bu barədə öz sosial şəbəkə hesabında paylaşım edib:

“Ten Haq oyunçularını alçaltmağı sevir. O, öz idarəçilik səhvləri ilə “Mançester Yunayted”i alçaltmağa davam edir”.

Sentyabrın 3-də Sanço sosial şəbəkədə Premyer Liqanın 4-cü turunda “Arsenal”la oyunda (1:3) heyətdə yer almamasını məşqdə zəif çalışması ilə izah edən Erik ten Haqın sözlərinə cavab verib. Sanço baş məşqçinin dediklərini yalan adlandırıb. Yarımmüdafiəçi daha sonra bu yazını silib.