“Vilyarreal”ı “Osasuna”ya dəyişdi

“Vilyarreal”ın müdafiəçisi Xoan Moxika icarə əsasında “Osasuna”ya keçib.

Komanda.az Bask təmsilçisinin rəsmi saytına istinadən xəbər verir ki, 30 yaşlı futbolçu ilə 1 illik müqavilə imzalanıb.

Kolumbiyalı oyunçu 2013-cü ildən İspaniyada oynayır. O, karyerası ərzində “Rayo Valyekano”, “Jirona”, “Elçe” kimi klublarda da çıxış edib. Moxika 2015-ci ildən Kolumbiya millisində də forma geyinir.