“Milan” nigeriyalının transferini tamamlayır

“Vilyarreal”ın vingeri Samuel Çukvueze “Milan”a keçməyə yaxındır.

Komanda.az xarici KİV-ə istinadən xəbər veri ki, 24 yaşlı oyunçu “qırmızı-qaralar”la 2028-ci ilin iyununa qədər nəzərdə tutulan müqavilə imzalayacaq. Çukvueze bu həftə müayinədən keçəcək.

“Vilyarreal” nigeriyalı futbolçu üçün 20+8 milyon avro alacaq. “Transfermarkt” portalı onun bazar dəyərini 25 milyon avro qiymətləndirir.

Futbolçu ötən mövsüm “Vilyarreal”ın heyətində 50 oyunda 13 qol vurub, 10 məhsuldar ötürmə edib.