Messinin debütünü rekord sayda insan izləyib

Şimali Amerika Liqa kubokunun ilk turunda “İnter Mayami” “Kruz Asul”u məğlub edib – 2:1. Mayami təmsilçisinin qələbə qolunu debüt matçına çıxan Lionel Messi vurub.

Komanda.az xarici KİV-ə istinadən xəbər verir ki, həmin qarşılaşmanı ABŞ televiziyasında 12,5 milyona yaxın tamaşaçı izləyib. Bu, Amerika televiziyası tarixində qeydə alınan rekord göstəricidir.

Xatırladaq ki, Messi iyulun 15-də azad agent kimi keçmiş futbolçu Devid Bekhemin həmsahibi olduğu “İnter Mayami”yə keçib. Onunla 2025-ci ilin sonuna qədər nəzərdə tutulan müqavilə imzalanıb.