Messinin debüt matçını hansı məşhurlar izləyib?

Şimali Amerika Liqa kubokunun ilk turunda “İnter Mayami” – “Kruz Asul” matçı keçirilib. Fort Lauderdeyldəki (ABŞ) “İnter Mayami” stadionunda keçirilən görüş meydan sahiblərinin 2:1 hesablı qələbəsi ilə bitib.

Komanda.az xarici KİV-ə istinadən xəbər verir ki, Lionel Messi debüt görüşündə Mayami təmsilçisinin qələbəbə qolunu vurub. O, cərimə zərbəsini dəqiq yerinə yetirib.

Bu matçı canlı izləyənlər arasında tanınmış simalar da olub. Klubun həmsahibi Devid Bekhem, onun həyat yoldaşı Viktoriya Bekhem, tennisçi Serena Uilyams, basketbolçu Lebron Ceyms və digərləri qarşılaşmanı stadiondan izləyib.

Xatırladaq ki, Messi oyunun 54-cü dəqiqəsində yarımmüdafiəçi Benjamin Kremaskini əvəzləyərək, meydana çıxıb.