“Tottenhem” israilli futbolçu transfer etdi

İsrailli futbolçu Manor Solomon “Tottenhem”ə transfer olunub.

Komanda.az klubun saytına istinadən xəbər verir ki, 23 yaşlı yarımmüdafiəçi ilə 5 illik müqavilə imzalanıb.

O, FİFA qaydalarından istifadə edərək Donetsk “Şaxtyor”u ilə bu ilin dekabrında başa çatacaq müqaviləni ləğv edib və yeni klubuna azad agent kimi keçib.

Solomon ötən mövsüm icarə əsasında “Fulhem”də oynayıb. 23 yaşlı futbolçu İngiltərə Premyer Liqasında 19 matçda 4 qol vurub.