“Çelsi” 17 yaşlı futbolçu transfer etdi

“Çelsi” “Everton”un 17 yaşlı müdafiəçisi İşe Samuels-Smiti transfer edib.

Komanda.az klubun rəsmi saytına istinadən xəbər verir ki, onunla 3 illik müqavilə imzalanıb.

“Çelsi” bu transfer üçün təxminən 4 milyon funt-sterlinq təzminat ödəyib.

Samuels-Smit ötən mövsüm U-18 Premyer Liqasında 25 oyuna çıxıb. O, U-17 Avropa çempionatında İngiltərə milli komandasında oynayıb.