“Barselona” müdafiəçi transfer edib

“Barselona” “Atletik”dən müdafiəçi İniqo Martinesi transfer edib.

Komanda.az xarici KİV-ə istinadən xəbər verir ki, ispaniyalı futbolçu ilə 2025-ci ilə qədər nəzərdə tutulan müqaviləyə imza atılıb. Martines Kataloniya klubuna azad agent kimi keçib.

O, 2018-ci ilin yanvarından “Atletik”də çıxış edib. Martines 2022/23 mövsümündə İspaniya klubunun heyətində bütün turnirlər daxil olmaqla 18 oyuna çıxıb və bir qol vurub.

“Barsa”nın yeni transferi karyerası ərzində İspaniya çempionatında 357 oyunda forma geyinib, 22 qol vurub və 7 məhsuldar ötürmə ilə yadda qalıb.