Marek Hamşik: “Bakıya məğlub olmaq üçün gəlməmişik”

Slovakiya millisinin üzvü Marek Hamşik AÇ-2020-nin seçmə mərhələsi çərçivəsində Azərbaycana qarşı keçirəcəkləri oyundan əvvəl mətbuat konfransına qatılıb.

Komanda.az xəbər verir ki, o, birbaşa media nümayəndələrinin suallarını cavablandırıb:

• Son oyunlarda cəmi bir dəfə qapını toxunulmaz saxlamısız, sabah da bunu təkrarlaya biləcəksizmi?
• Əsas qələbə qazanmaqdı. Hesabın önəmi yoxdu. Qol buraxmadan qalib gələ bilsək, yaxşı olar.
• Şəhərdə kifayət qədər Slovakiya azarkeşləri var. Onların dəstəyini hiss edə bilirsizmi?
• Əlbəttə, öz azarkeşlərimizi burda görmək xoşdur. Sabah nə qədər azarkeşin stadiona gələcəyini görəcəyik.
• Bir neçə ay Çində çıxış etmisiz. Azərbaycan millisini necə dəyərləndirirsiz?
• Bakı gözəl şəhərdir. Dünən biz Bakı Olimpiya stadionunda məşq etdik. Beynəlxalq karyeramda çox oyun keçirsəm də, Azərbayxana qarşı oynamamışdım. Rəqibi təhlil etmişik. Sabahkı oyunda istəkli olacaqlarına inanırıq.
• Sabah mümkün məğlubiyyət sizin üçün təəccüblü olacaq?
• Həyatda pis şeylər baş verə bilər. Ancaq biz buraya məğlub olmaq üçün gəlməmişik. Hücum futbolu oynayacağıq. Qələbə qazanmaq üçün əlimizdən gələni edəcəyik.
• 18 il əvvəl Azərbaycana məğlub olmusuz. Hücum futbolu oynamağınız nəticəyə necə təsir edəcək?
• Ümidvaram ki, bu, yenidən təkrarlanmayacaq. Hər iki komandanın hücumameyilli oynaması maraqlı olacaq. Keyfiyyətli hücum oyunçularımızın hesabına nəticənin bizim xeyrimizə olacağını düşünürəm.
• Sabahkı oyunda necə uğurlu olacağınızı düşünürsüz. Hansı səhvlərdən siğortalanmalısız?
• Rəqibin topa sahib olmasının qarşısını almalıyıq. Təkbətək epizodlarda yaxşı futbolçuları var. Sabah kifayət qədər sürətli və irəliyə doğru oynamalıyıq.

Şahin Cəfərov