“İnter”lə “Çelsi” razılığa gələ bilməyib

Öncədən “Çelsi” və “İnter” klubları arasında bir neçə futbolçu ilə bağlı danışıqların baş tutacağı haqda xəbər vermişdik. İtaliya təmsilçisinin idman direktoru Piero Ausilio görüş haqda açıqlama verib.

Komanda.az xarici KİV-ə istinadən xəbər verir ki, klub rəsmisinin dediyinə görə, “neradzurra” hücumçu Romelu Lukakunun və müdafiəçi Xalidu Kulibalinin transferi ilə bağlı razılığa gələ bilməyib.

Danışıqların növbəti mərhələsi qarşıdakı həftələrdə davam edəcək. Buna səbəb həmin oyunçuların “İnter” üçün mühüm əhəmiyyət kəsb etməsidir.

Belçikalı forvard 2022/23 mövsümündə Milan təmsilçisinin heyətində bütün turnirlər daxil olmaqla 36 oyuna çıxıb, 14 qol vurub və 7 məhsuldar ötürmə edib.

Kulibali isə “zadəganlar”ın heyətində bütün turnirlər daxil olmaqla 32 oyuna çıxıb, iki qol vurub və bir məhsuldar ötürmə edib.