“Mbappenin qərarlarına hörmət etməliyik” – “Real”ın futbolçusu

“Real”ın yarımmüdafiəçisi Eduardo Kamavinqa PSJ-nin hücumçusu Kilian Mbappenin La Liqa klubuna mümkün keçidi haqda danışıb.

Komanda.az AS nəşrinə istinadən xəbər verir ki, o, fransalı forvardı heyrətamiz futbolçu adlandırıb:

“Mbappe “Real”a keçsə, çox şad olaram. O, heyrətamiz futbolçudur. Hər bir klub onu komandasında görmək istəyir. Mbappenin qərarlarına hörmət etməliyik”.

Öncədən Fransa millisinin üzvünün yayda İspaniya təmsilçisinə keçəcəyini bildirilirdi. Eyni zamanda, PSJ-nin Mbappeni satmaq üçün “Real”la əlaqə saxladığı məlum olub.

Mbappe 2022/23 mövsümündə Liqa 1 təmsilçisinin heyətində bütün turnirlər daxil olmaqla 43 oyuna çıxıb, 41 qol vurub və 10 məhsuldar ötürmə edib.