Rövlan Muradov qərarını bundan sonra verəcək

“Qəbələ”nin yarımmüdafiəçisi Rövlan Muradov Azərbaycan kubokunun “Neftçi” ilə final oyunu (1:0) haqda danışıb.

Komanda.az xəbər verir ki, o, uğurlu mövsüm keçirdiklərini söyləyib:

“Bu il bizim üçün olduqca uğurlu keçdi. Həm avrokuboklara vəsiqə qazandıq, həm də ölkə kubokunun sahibi olduq”.

Muradov, “Karyeranla bağlı fikirlərin necədir? Başqa kluba keçmək ehtimalın var” sualını belə cavablayıb:

“Hələlik o haqda dəqiq məlumat verə bilmərəm. Çünki bütün fikrimi kubok matçına yönəltmişdim. İnşallah, bundan sonra oturub fikirləşəcəyik”.

Xatırladaq ki, “Bakcell Arena”da keçirilən oyunda əsas vaxt qolsuz bitib. Əlavə vaxtda isə penalti qazanan “Qəbələ” bu şansdan maksimum yararlanıb. Beləcə, 1:0 hesablı qələbə qazanan “Qəbələ” ölkə kubokunun qalibi olub.

Rövşən Əlisoy