Messi: “Çempionlar Liqasındakı məğlubiyyətdən sonra…”

Amerika kuboku turnirinə hazırlaşan Argentina millisinin futbolçusu Lionel Messi yerli mətbuata açıqlama verib.

Komanda.az xəbər verir ki, Messi, Amerika kubokunu qazanmağa namizəd olmadıqlarını deyib:

“Amerika kubokunu qazanmağa namizədlərdən deyilik. Hazırda Argentina millisi yenilənmə dövrünü keçirir. Çempionlar Liqasındakı məğlubiyyətdən sonra mən də özümü fiziki və mənəvi cəhətdən yorğun hiss edirəm”.

Argentina millisi Amerika kubokunda B qrupunda Kolumbiya, Paraqvay və Qətər yığmaları ilə mübarizə aparacaq. Turnir 15 iyun-7 iyul tarixlərində keçiriləcək.

Lionel Messinin formasını geyindiyi “Barselona” Çempionlar Liqasının yarımfinal mərhələsində “Liverpul”u ilk oyunda 3:0 hesabıyla məğlub etsə də, cavab matçında 0:4 hesabıyla uduzaraq, turnirlə vidalaşıb. ÇL-in qalibi finalda “Tottenhem”i 2:0 hesabıyla məğlub edən “Liverpul” olub.

Bizi Telegramda izləyin

Bizi Facebook-da izləyin

Əlaqəli yazılar

Back to top button