“Həmin oyunda nə edəcəyimizi bilirik” – “Real”ın futbolçusu

“Real”ın futbolçusu Lukas Vaskes İspaniya La Liqasının 34-cü turunun “Xetafe” ilə oyunundan sonra (1:0) fikirlərini bölüşüb.

Komanda.az AS nəşrinə istinadən xəbər verir ki, o, vacib üç xal qazandıqlarını bildirib:

“Üç xal qazanmaq bizim üçün vacib idi. Bu qələbə müsbət dinamikanı davam etdirməyə və çərşənbə günü meydanda inamlı mübarizə aparmağa imkan verəcək. Qələbə həmişə vacibdir.

Qalib olmaq, Çempionlar Liqasının finalına çıxmaq üçün Mançesterdə oynamaq istəyirəm. Həmin oyunda nə edəcəyimizi bilirik. Qələbəyə köklənmişik. Əlimizdən gələni edəcəyik”.

Çempionlar Liqasının yarımfinal mərhələsinin ilk matçı İspaniyada keçirilmişdi. Həmin görüşdə “Real” “Mançester Siti” ilə heç-heçəyə razılaşmışdı – 1:1.

“Mançester Siti” – “Real” cütünün cavab qarşılaşması 17 may, saat 23:00-da start götürəcək.