Perunun DÇ-yə ev sahibliyi hüququ ləğv edildi

FİFA Perunun yeniyetmələr arasında futbol üzrə dünya çempionatına ev sahibliyi hüququnun ləğvi barədə qərar qəbul edib.

Komanda.az xəbər verir ki, bu barədə ali futbol qurumu rəsmi saytı vasitəsilə məlumat yayıb.

FİFA-nın açıqlamasında bildirilir ki, bu qərar ev sahibi ölkənin turnirin keçirilməsi üçün lazım olan infrastrukturun yaradılması ilə bağlı öhdəliklərini yerinə yetirə bilməməsi səbəbindən verilib.

Turnirin 2023-cü il noyabrın 10-dan dekabrın 2-dək keçirilməsi planlaşdırılır. DÇ-2023-ün hansı ölkədə keçiriləcəyinə daha sonra aydınlıq gələcək.