İspaniya səfərdə, Türkiyə evdə uduzdu

Avropa çempionatının seçmə mərhələsində bu gün ikinci tura yekun vurulub.

Komanda.az xəbər verir ki, sonuncu oyun günündə 3 qrup üzrə daha 7 qarşılaşma keçirilib.

A qrupunda Gürcüstan yığması Norveçi qəbul edib. Bu oyunda tərəflər hərəyə 1 qol və 1 xalla kifayətləniblər. İspaniya millisi isə Şotlandiyanın qonağı olub və 2 cavabsız qolla məğlub olub.

D qrupunda Türkiyə millisi Xorvatiya yığmasını qəbul edib. “Ay-ulduzlular” doğma meydanda 2 cavabsız qola üzülüblər. Qrupun digər matçı isə Uelslə Latviya arasında baş tutub. Uelslilər 3 xalı tək qolla qazanıblar.

İ qrupunda Kosovo Andorranı, Rumıniya Belarusu, İsveçrə də İsraili qəbul edib. Kosovoda heç-heçə qeydə alınıbsa, digər iki matçda meydan sahibləri qələbəyə seviniblər.

AÇ-2024-ün seçmə mərhələsi
Qrup mərhələsi, 2-ci tur
28 mart

A qrupu

Gürcüstan – Norveç 1:1
Qol: Mikautadze, 60 – Sörlot, 15.

Şotlandiya – İspaniya 2:0
Qol: Maktominey, 7; 51.

Xal: Şotlandiya – 6. İspaniya – 3. Norveç – 1. Gürcüstan – 1. Kipr – 0.

D qrupu

Türkiyə – Xorvatiya 0:2
Qol: Kovaçiç, 20; 45+4.

Uels – Latviya 1:0
Qol: Mur, 41.

Xal: Uels – 4. Xorvatiya – 4. Türkiyə – 3. Ermənistan – 0. Latviya – 0.

İ qrupu

Kosovo – Andorra 1:1
Qol: Jeqrova, 59 – Rosas, 61.

Rumıniya – Belarus 2:1
Qol: Stanku, 17. Burka, 19 – Morozov, 86.

İsveçrə – İsrail 3:0
Qol: Varqas, 39. Amduni, 48. Vidmer, 52.

Xal: İsveçrə – 6. Rumıniya – 6. Kosovo – 2. Andorra – 1. İsrail – 1. Belarus – 0.