“Komandamdan razı qaldım” – Xavi

“Barselona”nın baş məşqçisi Xavi İspaniya La Liqasının 26-cı turunun “Real”la matçından sonra (2:1) açıqlama verib.

Komanda.az “Marca”-ya istinadən xəbər verir ki, o, futbolçularından razı qaldığını bildirib:

“Biz oyun ərzində üstün tərəf idik. Daha çox qol şansları yaratdıq. Komandamdan razı qaldım. Çox vacib qələbə qazandıq. Məncə, oyunda biz daha yaxşı idik. Rəqib təzyiqdan necə çıxacağını yaxşı bilirdi. “Real”ın vurduğu qol bizim səhvimizin nəticəsi idi.

Son ana qədər hansını seçəcəyim barədə qərar verməmişdim: ya Serji Robertonu seçməliydim, ya da Frank Kessyeni. Nəticədə, hər şey çox yaxşı oldu. Çünki hər iki futbolçum qol vurdu”.

Kataloniya təmsilçisi hazırda İspaniya çempionatının turnir cədvəlində 68 xalla birinci, “kral klubu” isə 56 xalla ikincidir.