“Neftçi”dən futbolçusuna yeni təklif

“Neftçi” futbolçusu İvan Brkiçə yeni müqavilə təklif edib.

Komanda.az “vecernji.hr”-a istinadən xəbər verir ki, bu mövsüm 11 oyunda qapısını toxunulmaz saxlamağı bacaran oyunçunun çıxışı klub rəhbərliyini qane edir. Bu səbəbdən, 28 yaşlı qapıçıya yeni sözləşmə təklif edilib.

Lakin Brkiç qərar verməyə tələsmir. Çünki həm başqa təklifləri var, həm də Xorvatiya millisinə düşmək ümidini davam etdirir. O, yeni klub seçimini də məhz milli amilinə görə edəcək.

İvan Brkiçin “ağ-qaralar”la müqavilə müddəti mövsümün sonuna qədərdir.