Qovulacağına inanır

“Tottenhem”in baş məşqçisi Antonio Konte mövsümün sonuna qədər istefaya göndərilə biləcəyinə inanır.

Komanda.az “The Guardian”-a istinadən xəbər verir ki, italiyalı mütəxəssis komandadan qovula biləcəyini deyib:

“Tottenhem”lə müqaviləm var, mövsümün sonunda klubla bundan sonra nə olacağına qərar verəcəyik. Mən mövsümün sonuna qədər qovula bilərəm”.

Bundan əvvəl “Tottenhem” 1/8 finalda “Milan”a uduzaraq (0:1, 0:0), Çempionlar Liqasından kənarlaşdırılıb.

Konte 2021-ci ilin noyabrından “Tottenhem”ə rəhbərlik edir. İtaliyalı mütəxəssisin klubla müqaviləsi 2023-cü ilin yayına kimi qüvvədədir.

“Tottenhem” hazırda İngiltərə Premyer Liqasının turnir cədvəlində 4-cü yerdədir.