“Qarabağ”ın Belçika planı

UEFA Avropa Konfrans Liqasının pley-off mərhələsinin cavab oyununda “Gent”lə qarşılaşacaq “Qarabağ” fevralın 21-də Belçikaya yollanacaq.

Komanda.az klubun mətbuat xidmətinə istinadən xəbər verir ki, “köhlən atlar”ı Gentə aparacaq təyyarə saat 17:00-da Heydər Əliyev Beynəlxalq Hava Limanından yola düşəcək.

Fevralın 22-də saat 18:30-da (Bakı vaxtı ilə 21:30) Qurban Qurbanovun mətbuat konfransı baş tutacaq. Saat 19:00-da isə (Bakı vaxtı ilə 22:00) matçın keçiriləcəyi “KAA Gent” stadionunda komandanın media üçün açıq məşqi (ilk 15 dəqiqəsi) reallaşacaq.

Belçikadakı qarşılaşmada klubun prezidenti Tahir Gözel də komandanın yanında olacaq.

“Gent” – “Qarabağ” oyunu fevralın 23-də saat 00:00-da başlayacaq. İlk oyunda “Qarabağ” 1:0 hesablı qələbə qazanıb.