“Roma”ya inanmır

“Roma”nın hücumçusu Paulo Dibala klubdakı gələcəyindən əmin deyil. Amma o, baş məşqçi Joze Mourinyonun rəhbərliyi altında oynamağa davam etmək istəyir.

Komanda.az İtaliya mətbuatına istinadən xəbər verir ki, “Roma”dakı gələcəyindən əmin olmayan 29 yaşlı argentinalı futbolçu ilə “Mançester Yunayted” maraqlanır.

Dibalanın transfer qiyməti 12 milyon avrodur. Onun “Roma” ilə müqaviləsi 2025-ci ilin yayına kimi nəzərdə tutulub.

Dibala bu mövsüm A Seriyasında 16 oyuna çıxıb, 8 qol vurub və 6 məhsuldar ötürmə edib.