“Bayern” Messini necə dayandıra bilər?

“Bayern”in baş məşqçisi Yulian Naqelsmann UEFA Çempionlar Liqasının 1/8 final mərhələsinin PSJ ilə görüşündən öncə danışıb.

Komanda.az xarici KİV-ə istinadən xəbər verir ki, o, Liqa 1 təmsilçisini fantastik komanda adlandırıb:

“Ən yaxşı keyfiyyətlərimizi göstərməyə və qalib gəlməyə çalışacağıq. Ümid edirəm ki, bu oyun gözləniləndən daha maraqlı olacaq. Bütün turnirlər daxil olmaqla son üç oyunu qalib başa vurmuşuq. Eyni ruhda davam etməliyik. Futbolda həmişə neqativ məqamlar da olur. PSJ fantastik komandadır. Çempionlar Liqasında hər şey mümkündür”.

Almaniyalı mütəxəssis Lionel Messini hansı üsulla dayandıra biləcəklərini açıqlayıb:

“Messini necə dayandırmaq olar? Bunu yalnız komanda oyunu vasitəsilə edə bilərik. Messi və Neymarın ötürmələrini məhdudlaşdırmalıyıq. Eyni zamanda, onların yüksək sürətə malik müdafiəçiləri və çoxlu istedadlı oyunçuları var. PSJ də bizi dayandırmaq barədə düşünür. Belə matçlarda komanda oyunu həlledici amil olur”.

PSJ – “Bayern” cütünün ilk qarşılaşması bu gecə Parisdə, cavab oyunu isə martın 9-da Münhendə baş tutacaq.