Milli komandada yeni baş məşqçi

Futbol üzrə Qana yığmasına yeni baş məşqçi təyin olunub.

Komanda.az xəbər verir ki, DÇ-2022-dəki uğursuz nəticələrdən sonra istefaya göndərilən Otto Addonu Kris Hyuton əvəz edib.

Bu barədə federasiyanın mətbuat xidməti məlumat yayıb. Lakin tərəflər arasındakı müqavilənin müddəti açıqlanmayıb.

İrlandiyadan olan 64 yaşlı mütəxəssis daha öncə “Nottingem Forest”, “Brayton”, “Norviç Siti”, “Nyukasl” kimi klublarda baş məşqçi çalışıb.