“Oyundan razı qaldım” – Ten Haq

“Mançester Yunayted”in baş məşqçisi Erik ten Haq İngiltərə Liqa kubokunun yarımfinal mərhələsinin “Nottingem Forest”lə ilk matçından sonra açıqlama verib (3:0).

Komanda.az BBC-yə istinadən xəbər verir ki, o, futbolçularının oyuna nəzarət etdiyini deyib:

“Oyundan razı qaldım. Məncə, 90 dəqiqə ərzində matça biz nəzarət etdik. Cütün taleyini dəyişdirə biləcək çoxlu məqamlar oldu. Rəqibin nəyə qadir olduğunu öncədən bilirdim. Həqiqətən, onlar bu matça qədər yaxşı nəticələr qazanmışdılar. Cavab görüşü qarşıdadır. Bütün futbolçularım diqqətini oyuna cəmləməlidirlər”.

“Mançester Yunayted” – “Nottingem Forest” cütünün cavab qarşılaşması fevralın 1-də keçiriləcək.